الاول صلو ع الحبيب الشفيع عليه الصلاه و السلام
اللهم اغفر للمسلمين و المسلمات الاحياء منهم و الاموات الى يوم الدين
سبحان الله و بحمده سبحان الله العظيم
فى ستات كتير بلاقيهم بيسألو عن طاجن الكوارع عشان جوزهم بيحبوه وبيبقو مش عارفين
ميزه الطاجن ان الكوارع لا بتلزق ولا الكلام دا .. و حلو لو عندك ضيوف او خطيبك .. حافظ على برستيجه ادامك لانه هياكلها بالعيش مش هم يا جمل زى العاديه
دى طريقتى ان شاء الله ( ادعولى يا بنات ربنا يسامحنى و يغفرلى و يرحمنى و يحققلى اللى بتمناه )
اول حاجه دى الكوارع نقعتها و دعكتها و نضفتها كتيييييييييييييييييييييير
حطيت مايه بتغلى و بعدين حطيت الكوارع 20 دقيقه عشان تنزل زفارتها ( مهمه الخطوه دى يا بنات ) و دا الريم بتاعها و لازم بعد 20 دقيقه تترمى 
هنا غسلتها تانى بعد ماطلعت
جبت بقا طبق فيه بصل و فلفل اسود و ورق لورا و حطيت حله فيها سمنه
و شوحت الكوارع فيهم
هنا و انا بشوح الكوارع فيها ( الخطوه دى مهمه بتضيع الزفاره كمان و كمان )
و بعدين حطيت مايه و سبتها تغلى ( خدت ساعتين و نص عشان كوارعايه صغيره )
و هنا خلاص لما طلعت و بقت مستويه اوووووووووووى
بعدين مسكت الكوارع فصصتها حتت صغيره
و بعدين حطيت عليها بصل و طماطم و فلفل اسمر و ظبطت ملحها
و بعدين دخلتها طاجن و كنت دهناه زيت
و حطيت عليه حبه شوربه صغيره اوووووى
و حطيت عليه دقه ( توم اتحمرت فى زيت ... طشتها بخل .. و عليها معلقتين صلصه )
و هنا لما طلعت بالسلامه
وريحتها قلبت الدنيا اووووووى
المصدر : منتديات شبكة أمورات
'h[k hg;,hvu tn hgtvk 2014< 'vdrm ulg 2014
http://www.amorat.net/vb/showthread.php?t=56315&goto=newpost
0 comments:
Post a Comment