السلام عليكم ورحمة الله وبركاتة
اللهم صل وسلم وبارك على سيدنا محمد وعلى آاله وصحبه وسلم
ازيكوا يااحلى اخوااااات في الله
الله يمسيكم بالسعادة ويجعل ايامكم كلها سكر زيادة ان شاء الله
ومساءكم فراولة وبرتقال ولوز وجماااال وياقوت ومرجااااان
النهاردة حبيت اشارككم اخواتي السيمي فريدو
بالفراولة والبرتقال
وهو صنف جمييييل في الصيف
وهو اصله من ايطاليا
وميزته انه مش بيسيح زي الآيس كريم وبيبقى تحلية سهلة
ومش تقيلة زي الكيك
وعرفت بفضل الله انه اسمه سيمي فريدو يعني شبه مجمد
يعني ناااعم وجمييييل في الاكل وفي نفس الوقت مش متجمد زي الآيس كريم
ودي الصور في البداية بسم الله
بسم الله سيمي فريدو الفراولة
المقادير
2 صفارة بيض كبير - معلقة كبيرة نشا
نص كوب سكر - ربع كوب مية - ورقة ونص جيلاتين
كوب فراولة مطحونة في الخلاط مع معلقتين مية
باكو جيلي فراولة - 10 ملاعق كريم شانتيه سايب يعني ( كيسين دريم ويب )
ونص كوب سكر لتحلية الكريم شانتيه وبسسس
رشة ملح وفانيلا
الطريقة بسم الله
مرحلتين بسس بكل سهولة بفضل الله
المرحلة الاولى نعمل موس فراولة بسيط بجيلاتين
والمرحلة التانية نحط عليهم الصفار المستوي مع السكر عشان يبقى سيمي فريدو
نسمي الله
في بولة نخفق الكريم شانتيه مع كوب مية متلجة او حليب
لحد ماينفشوا
ونص كوباية سكر بودرة للتحلية
وبعدين الفراولة المطحونة اللذييييذة والجيلي ونخفق ونسيبه على جنب
نروح ننقع الجيلاتين في مية من الحنفية عشر دقايق لحد مايطرى زي كده
نحط في كسرولة ربع كوب مية
يغلوا على طول
وحطيت عليها الجيلاتين لما غليت وفانيلا وقلبت عشان يذوب
وسيبته يعني 3 دقايق كده تهدى حرارته بسس
آخر شيء نصب الجيلاتين على كريمة الفراولة اللذيييييذة ونخفق
في بولة ستانلس ستيل نحط الصفارتين مع السكر والنشا
والملح والفانيلا
ونحطهم على حلة فيها مية بتغلي على نااااااار هاااااااااادية زي كده
عشان الصفار يستوي ومايبقاش ني ان شاء الله
ونفضل مستمرين نقلب الصفار مع السكر بالمضرب اليدوي على حمام المية اللي بتغلي
لمدة 5 دقااااايق بسسس
وماشاء الله بينفش اووووووي وبيبقى هش ولونه بيفتح جداااا
وبيبقى سخن جدااااا وده اكبر دليل انه استوى بفضل الله
ونشيله من على الحمام المائي ونسيبه 3 دقايق تهدى حرارته
ونصبه في اي صينية باي شكل عندنا
وانا اخترت الصينية السيلكون دي ودهنتها زيت خفيف
وطبعا ممكن نصبها في قالب توست فويل اواي صنية عندنا
بس نغلفه بورق زبدة او بلاستيك شفاف زي ده
ونساوي وشه وندخله التلاجة 5 ساعات لـــ 6 ساعات ان شاء الله
وهيطلع ناعم وجميييييل وباااااااارد ومنعش
والله يبرد على قلوبكم حبيباتي
ونبدأ مع صور التقديم بسم الله
المصدر : منتديات شبكة أمورات
hgsdld tvd], fhgtJvh,gJm 2014< 'vdrm ulg 2014
http://www.amorat.net/vb/showthread.php?t=56911&goto=newpost
0 comments:
Post a Comment