يارب لك الحمد كما ينبغى لجلال وجهك وعظيم سلطانك
اخباركم اية يا فتاتيييييييييك يارب تكونو بخير
عشان الصيف ورمضان وموسم الخوخ والمشمش هنعمل كاسات الكمبوت
وازاى هتخزنيها لرمضان بطريقة سهلة ومضمونة ان شاء الله
ونفس الطريقة للمشمش زيه بالضبط نشوف الخوخ بتاعنا يالا
المكونات
ونبتدى بسم الله
كيلو خوخ جامد او صلب(مش سكرى)
كوب ونص ماء
4 ملاعق سكر كبيرة
ملعقة كبيرة عصير ليمون
ذرة فانيليا
وانا ضاعفت الكمية
ملحووووووووووظة مهمة
اللى عايزه مسكر شوية او سكر كتير يزود سكر حسب رغبتك
بس دى بجد عن تجربة لانى عايشة فية
الطريقة
ادى الخوخ واضح جدا مغسول كويس وحجمه مش كبير
اللى موجود فى السوق ورخييييص جدا ممكن ب 2 ج او 2 ونص للكيلو
هتحاولى تقسميها اربع ارباع بالسكينة
وفيه ناس بتقشره يعنى كمبوت من غير القشرة انا بحبه بالقشرة مالوش حل
وكل واحد زى مايحب
ادى ظهرت النواة بتاعته
قبل اى حاجة اعملى المحلول السكرى الاول هتضيفى السكر مع الماء على النار يغلى شوية وتشيلى الريم
هتضيفى الماء وعصير الليمون وكان عندى فروزين مجمد مش متصور معلش
لازم اطلعه وادخله التلاجة بسرعة
هيغلى على النار شوية ممكن 10 دقايق بس
هتضيفى الخوخ المقطع وتقلبى
ويغلى شوية مش كتيرحوالى 5 دقايق فقط ده فى حالة لو هتخزنية
اما لو هتاكليه على طول ممكن تغلية 10 دقايق
هتتركية لما يبرد خااااااااااالص وتضيفى الفانيليا ربع ملعقة او اقل وتقلبى وتحطية فى التلاجة
نيجى للتخزين بعد ما يبرد هتحطيه فى اكياس التلاجة وتقفلى علية كويس لرمضان
واما تيجى تطلعية سيبية على الرف اللى تحت داخل التلاجة يفك براحته خالص وممكن تعمليه عصير خوخ بيبقى روعة وهينفعك جدا
هتغرفية فى الكاسات بتاعتك او اى حاجة حسب ذوقك ودوقى احلى كمبوت بيتى من صنع ايديك والله عن تجربة تحفة وللصيف هيرويك بجد بعد العصر او المغرب ههههههههههههههههههههههههههههههه
اسيبكم بقى لما اروح للكاس ده اروى عطشى ههههههههههههه
وممكن تزينيه بالكريم شانتيه ومكسرات
المصدر : منتديات شبكة أمورات
;hshj ;lf,j hgo,o 2014< 'vdrm ulg 2014
http://www.amorat.net/vb/showthread.php?t=56909&goto=newpost
0 comments:
Post a Comment